January 18, 2010

مابدهااااش..{كيكه الاوريو !!


السلام عليكم ورحمه الله وبركاته



xDDDDDDD

كيكه الاوريو

المقادير :

كيك امريكانا اوسارالي (الجاهز اللي يجيك على شكل مستطيل ؟) وعلبتين قشطه قيمر و اربع جالكسي ساده و علبتين دريم ويب واربع اكياس اوريو (اللي فيه ست حبات) ونص كاس ماي فاتر وخمس ملاعق كبيره حليب نيدو

انتبهو لنوع القالب اللي بتسو فيه انا اخذت اصغر قالب وماجا ببالي اقلل من المقادير :

مما ادى الى فيضانات بالطبقه الاولى وسبب إخفاء بعض البسكويتات ههههههههههه

اي صح والقالب يكون اللي ينفك مدري كيف اشرحها لكم القالب اللي يجي قطعتين << هذا اللي قدرت عليه ههههههههههههه

الطريقه :

تقطع الكيك بحجم وسط عشان يكفي لطبقتين <<وانا الفالحه فيني خير اقطع واكل مما ادى الى نقص شبهه فظيع بالطبقه الثانيه pppp:

وبعدها تصف الكيك بالقالب وحاولوا مايكون فيه فراغات

وبعدها نصف حبات الاوريو حوالي القالب
كريمه الطبقه الاولى:

نحط بكاس الخلاط ماي وعلبه قشطه قيمر ودريم ويب وحليب نيدو وكم اوريو

وبعدها نصبها على القالب ونحط القالب بالفريزر عشان تتماسك شوي حول الـ 3 /4 دقايق
وبعدها نصف الكيك مره ثانيه وانتبهو لاتضغطو بقوه عشان ماتتداخل الكريمتين ونحاول نغطي جميع الفراغات
كريمه الطبقه الثانيه:

نذوب الجالكسي بحمام مائي وبعدها تخلط معه علبه قشطه قيمر ملاحظه باللي حصل معي بعد ماذوبت الجالكسي حطيت القيمر وصار معي كتل مدري شنو رحت حطيته مره ثانيه بحمام مائي واحركه إلى ان تجانس مع بعض وشلته
ونصبها على القالب

للتزين:

تفتفتو فليك وبسكوت اوريو واذا حابين تضيفو صوص شوكلت اللي تحطوه فوق الايس كريم انا مع الاسف صار عندي نقص بالاوريو والفليك ماتوفر عندي ولا صوص شوكلت فااخذت مبشاره وبشرت الجالكسي فوقه وانا بقمه الوناسه الا وتغط المبشاره بالقالب مما ادى الى حدوث فجوهه شبهه عميقه ههههههههه

وبس
وحطوها بالفريزر عشان تتماسك وبعدها طلعوها وفكو منه شسمونه هذا (والله ابتلشت مااعرف شنو تسموه >< )
المهم إذا القالب ماتوصل معكم


وكل الشكر لـ ~فنتوقةمتفائلة~ FollaH2
وبس
^^"

No comments:

Post a Comment